عقل بوك ستور

من نحن

welcome to 3akl-books

فى أثناء دراستنا لمشاكل القراءة عشان نقضى عليها
لقينا أن من أهم المشاكل التكلفة العالية للكتاب الورقى واللى فى الغالب بتكون تكلفه صعب تنزل لأنها هتنزل من جودة الكتاب
التكلفه دى بتخلى كتير من القراء يبطلوا أو يتجهوا للنسخ المسروقه والمنسوخة أو ال pdf اللى مبتحافظش على حق الكاتب ودار النشر الادبى فى شغلهم وبتضر الصناعه دى بشكل كبير جدا من إحباط وسرقة مجهود
طيب ايه الحل ؟
لاقينا أن من ضمن الحلول وهيحل جزء كبير من معادلة التكلفه والسعر الرعايه
وكانت المفاجاه أن مفيش رعايه للكتاب فى حين أن فيه مليارات بتدفع فى رعاية كوره أو اعلان على التلفزيون أو يفط شارع بتلوث المنظر العام ودلوقت كمان فيه شركات بتستعين بيوتيوبرز مشهورين عشان يروجوا لعلامتهم التجاريه
اتواصلنا مع شركات كتير واتصدمنا بردهم
( هوا فيه حد لسا بيقرأ ؟)
أو هستفاد ايه لما أرعى كتب ؟
بس الحمد لله قدرنا نقنع شركات أنها تشارك معانا وفى اللمسات النهائيه الحمد لله
بس دورنا دلوقت عشان ننجح الفكره ونقدر نستقطب جهات تانيه والرعاية دى تعود علينا بشكل مباشر
اول حاجه نعرفهم أننا فعلا كتير وبنبعد غصب عننا ولما الفرصه جت لتصحيح الوضع كلنا هنقف وراها عشان تنجح
لو انت قارىء بتحب القراءة أو كاتب يهمك تعبك يتقدر صح
اعمل لايك للصفحه وشير لاصحابك وكمان اعملهم دعوه (انفيت) لازم نكون كتير اوى
الموضوع مهم ويستاهل
مع بعض نقدر إن شاء الله
Visit Us On Facebook